ဘာကြောင့် ကျွန်တော် ဒီ Blog ကိုရေးရလဲ
The Social Dilemma ထွက်လာခဲ့တဲ့နောက်ပိုင်းမှာ Facebook, Instagram, Twitter,Youtube, Snapchat, Google စတဲ့ နည်းပညာ Platforms တွေ အရည်အသွေးထက် လူပိုသုံးအောင်လုပ်ပြီးစီးပွားရှာနေတာကို နိုင်ငံတော်တော်များများ သတိထားမိသွားပါတယ်။ သီတင်းပတ်အနည်းငယ်အတွင်း နိုင်ငံတချို့မှာ Top Watched စာရင်းဝင်ဖြစ်လာပါတယ်။ ဒါပေမယ့် ကျွန်တော်တို့နိုင်ငံမှာ Drama တွေလောက် စိတ်မဝင််စားကြတာ စိတ်မကောင်းဖြစ်မိပါတယ်။ လက်တစ်ဆုပ်စာလောက်ပဲ ဆွေးနွေးကြ၊ ဖြန့်ဝေကြတာကိုတွေ့ရပါတယ်။
ကျွန်တော်တို့နိုင်ငံမှာ Facebook User တင် 223 သန်းခွဲရှိပါတယ်။ အဲ့ဒီလူတွေအားလုံးနီးပါးဟာ ဒီအကြောင်းတွေကိုမသိကြပါဘူး။ ဘာသာစကား အခက်အခဲလိုမျိုး အခက်အခဲရှိလို့ မသိကြတဲ့သူတွေများတာဖြစ်နိုင်သလို The Social Dilemma Documentary မှာပါတဲ့ နည်းပညာစကားလုံးတချို့နဲ့ သဘောတရားအချို့ကြောင့်လည်း သာမာန်လူအများစုအတွက် ခက်ခဲသွားတယ်လို့ထင်ပါတယ်။ ဒါကြောင့် ကျွန်တော်က ဒီ Blog မှာ “Center for humane technology” ရဲ့ website က သိသင့်တာတွေကို သာမာန်လူတစ်ယောက်နားလည်ဖို့ တတ်နိုင်သမျှ အရိုးရှင်းဆုံးဖြစ်အောင် ရှင်းပြထားပါတယ်။ ဒါဟာ တစ်ခါတစ်လေ သိပ်အခက်တွေ့ရပါတယ်။ ဗမာလိုနားလည်ဖို့ ဘာသာပြန်ရတာဖြစ်တဲ့အတွက်ပါ။ ဒါကြောင့် အမှားအယွင်းပါသွားရင် ထောက်ပြပြီးဝေဖန်လို့ရပါတယ်။ ကျွန်တော်ပြန်ပြင်ပေးပါ့မယ်။
ဒီ နာမည်ကြီး နည်းပညာကုမ္ပဏီအများစုဟာ ကျွန်တော်တို့နိုင်ငံမှာမရှိပါဘူး။ ဒီတစ်ချက်ကိုကြည့်ပြီး ကျွန်တော်တို့နိုင်ငံနဲ့မသက်ဆိုင်ဘူး လို့ယူဆလို့မရပါဘူး။ ခံစားနေရတာက တစ်ကမ္ဘာလုံးဖြစ်တာကြောင့် နည်းပညာကုမ္ပဏီတွေပြောင်းလဲဖို့ ပိုပြီးဖိအားပေးရာမှာ တတ်နိုင်သလောက် ဘယ်နိုင်ငံကမဆို ပါဝင်ဖို့လိုတယ်လို့ယူဆပါတယ်။ Covid-19 ရောဂါအတွက် ဘယ်နိုင်ငံတစ်ခုတည်းမှာမှ ကွက်ပြီးတာဝန်မရှိဘဲ ကျွန်တော်တို့နိုင်ငံတိုင်းမှာ ကိုယ်စီတာဝန်ရှိသလိုပါပဲ။
ကျွန်တော် ဒီ Blog ကနေ ဘာအကျိုးအမြတ်မှမရပါဘူး။ ဒီအပြောင်းအလဲတစ်ခုဖြစ်ဖို့ ပထမဆုံးအဆင့်ဟာ လူထုကို အသိပေးရတာပါ။ ဒါမှသာလူထုအင်အားသုံးပြီး နောက်တစ်ဆင့်တက်ပြီး မူဝါဒနဲ့ဥပဒေတွေ ထုတ်နိုင်မှာပါ။ ကျွန်တော့် Blog မှာပါတဲ့အကြောင်းအရာအားလုံးကို လွတ်လပ်စွာ မျှဝေနိုင်ပါတယ်။
The Social Dilemma ကြည့်ရန်
The Social Dilemma ကို ဒေါင်းလုပ်ဆွဲရန်
https://troo.tube/videos/watch/c895129b-4729-4f0d-ac89-1d64d25bb56d